Круглы стол "Лёсы віляйчан у перыяд польскай акупацыі"
20.09.2021
(1921 – 1939 гг.)
Колькі знакамітых суайчыннікаў звязана з Вілейшчынай! Колькі іх зорачкамі адляцела ў Вечнасць !..
Пасяджэнне прысвечана знаёмству з жыццём, асобай, творчасцю Ганны Новік. Асаблівая ўвага адводзілася старонкам жыцця Ганны Новік у перыяд нацыянальна-вызваленчага руху ў 1921-1939 гг. на тэрыторыі Заходняй Беларусі. За антыпольскую дзейнасць Ганна Новік адбывала пакаранне ў вілейскай турме на працягу амаль трох год, дзе страціла зрок, дачку, здароўе. 17 верасня 1939 года савецкія войскі перайшлі граніцу і забралі пад сваю апеку Заходнюю Беларусь.Ганну Новік выбралі дэпутатам Народнага Сходу і паслалі ў Беласток. З'езд у Беластоку працаваў 3 дні і прыняў рашэнне: далучыцца да Савецкай Беларусі, а тым самым — да СССР.
Лёс Ганны Новік – часцінка гісторыі вілейшчыны, часцінка душы беларускага народа.
На пасяджэнні ўздымалася праблема сувязі чалавека з яго малой Радзімай, каб не апынуцца без каранёў, без мінулага і будучыні. Дзевяцікласнікі дзяліліся ўспамінамі сваіх старэйшых родных, якія жылі ў той далёкі час пад польскім прыгнётам. Вучні разам з Аленай Людвікаўнай прыйшлі да высновы, што чалавек абавязаны ведаць, чым цікавая яго зямля, дзе і ў чым яго апора. Знаёмства з паэтычным светам і гістарычным лёсам Ганны Новік , актыўнага дзеяча нацыянальна-вызваленчага руху ў 1921-1939 гг., дэлегата Народнага Сходу 1939 г., падпольшчыцы і партызанкі перыяду Вялікай Айчыннай вайны, члена Саюза пісьменнікаў БССР, актуальна і будзе цікава навучэнцам школы.