Я вырас тут, і край мне гэты дарагі
01.09.20201 верасня для вучняў школы прайшоў урок па тэме "Я вырас тут, і край мне гэты дарагі".
Перад вучнямі 11 "А" класа з прывітальным словам выступіў Аляксей Фёдаравіч Шпігун, начальнік службы прызыву Вілейскага ваеннага камісарыяту. На першым уроку прысутнічалі бацькі выпускнікоў, якія ўдзельнічалі ў ходзе мерапрыемства. Вучні паказалі сваю эрудыцыю, веды ў галіне літаратуры, гісторыі, краязнаўства. Адзінаццацікласнікі былі падзелены на каманды: "Васілёк", "Рамонак" і "Зубр". У ходзе гульні выпускнікі прадэманстравалі камандны дух, вучыліся супрацоўніцтву і ўзаемавыручцы. Вучням прапаноўваліся розныя заданні, накіраваныя на выхаванне пачуцця патрыятызму і гонару за Бацькаўшчыну.
Цікавымі і захапляльнымі былі ўрокі ва ўсіх класах установы. Класныя кіраўнікі кемліва падрыхтаваліся да сустрэчы з вучнямі і дыялог атрымаўся.