Свята ўручэння пасведчанняў
14.06.2021
У суботу, 12 чэрвеня, ва ўстанове адукацыі прайшло свята ўручэння пасведчанняў вучням 9-ых класаў.
Дзевяць гадоў праляцелі, як адзін дзень. Яшчэ ўчора запаўнялі дзеннік, рыхтаваліся да ўрокаў. Сёння падручнікі вярнуліся на паліцы ў бібліятэку.
74 вучні адчуваюць сябе шчаслівымі. Чалавечае шчасце падобна на дзівосны пазл, які складаецца з мноства фрагментаў: перажыванняў, успамінаў, здзйснення мар. Школьная пара – важны фрагмент у карціне шчасця.
Нашы выпускнікі пачулі шмат цёплых слоў ад першых настаўнікаў, класных кіраўнікоў, бацькоў, кіраўніцтва школы.
Не засталіся ўбаку і вучні. Яны падрыхтавалі бацькам, настаўнікам творчыя справаздачы.
Свята прайшло ў асаблівай атмасферы, пакінула ў кожнага з удзельнікаў толькі станоўчыя ўражанні.
Спаўнення мар і поспехаў!