Зноў дзевятага мая…
11.05.2020
Зноў дзевятага мая… Наш горад прыгожы
І спакойна ў Вілейцы, а памяць трывожыць
Сорак пяты. Святая для кожнага дата
Мужнасць простых салдат беларускае хаты.
Сорак першы. Катуюць палонных
Ды знішчаюць бальніцы і школы,
Забіваюць жанчын і дзяцей,
І страляюць, і паляць людзей.
Нашы мсціўцы ў гады ліхалецця
Не баяліся ўласнае смерці.
Помста-міна Пятра, Леаніда
І кранальные слова: “Не выдаў!..”
Партызан і падпольшчык тут мае заданне
І здабыць вызваленне з нас кожны жадае.
Не праходзяць са зброяй на фронт цягнікі,
І змагаюцца дзеці і гінуць бацькі.
Перамогі час блізкі і слаўны…
Малады і рашучы Асланаў,
Правы бераг Дуная Зубовіча
І гранаты ў руках Лаўрыновіча.
Зноў дзевятага мая… Наш горад прыгожы
І спакойна ў Вілейцы, а памяць трывожыць
Зноў вясна! Год дваццаты… А там - сорак пяты.
Перамогу мы помнім. Віншуем са святам!
Уладзімір Казіміравіч Томкавіч,
выкладчык беларускай мовы і літаратуры
ДУА «Сярэдняя школа № 3 г. Вілейкі»